Verkal��sf�lag Vestfir�inga - Allar fr�ttir

ORLOF 2010

Wed, 28 Apr 2010 13:15:00 +0000

ORLOFSUPPBÓT 2010

Hjá verkafólki - kr. 25.800

Hjá verslunar og skrifstofufólki - kr. 19.500

Starfsmenn sveitarfélaga - kr. 25.800

Hjá iðnaðarmönnum - kr. 25.800

Iðnnemar fá nú sömu orlofs- og
desemberuppbót og aðrir.

ORLOF 2010

Lágmarksorlof skal vera 24 virkir dagar,
eða 2 dagar fyrir hvern unnin mánuð.
Lágmarksorlofslaun skulu vera 10,17% af öllum launum.

Verkafólk.

Eftir 5 ár hjá sama fyrirtæki eða 10 ár í sömu starfsgrein:

25 dagar - 10,64% orlofslaun.

Eftir 10 ár hjá sama fyrirtæki:

30 dagar - 13,04% orlofslaun.

Verslunar- og skrifstofufólk.

Eftir 5 ára starf í sömu starfsgrein:

25 dagar - 10,64% orlofslaun.

Eftir 5 ára starf hjá sama fyrirtæki:

27 dagar - 11,59% orlofslaun.

Eftir 10 ár hjá sama fyrirtæki:

30 dagar - 13,04% orlofslaun.

Byggingarmenn.

Eftir 5 ára starf í sömu starfsgrein:

28 dagar - 12,07% orlofslaun.

Eftir 5 ára starf hjá sama fyrirtæki:

29 dagar - 12,55% orlofslaun.

Eftir 10 ár hjá sama fyrirtæki:

30 dagar - 13,04% orlofslaun.

Starfsmaður sem öðlast hefur aukinn orlofsrétt
vegna starfa hjá sama vinnuveitanda,
öðlast hann að nýju eftir þriggja ára
starf hjá nýjum vinnuveitanda.

Undirb�ningur kjarasamninga - er r�kisstj�rninni treystandi ?

Thu, 02 Sep 2010 13:15:00 +0000

Nú er að fara í hönd mikill annatími hjá stéttarfélögum víðsvegar um landið vegna undirbúnings fyrir kjarasamninga. En þeir eru flestir lausir frá og með 30.nóvember næst komandi að undanskildum sjómönnum sem eru með lausa samninga frá 1.janúar 2011. Félögin hafa leitað til félagsmanna um helstu áherslur og hvaða kröfur eigi að gera, á að leggja áherslu á lægst launin ? verður hægt að ná árangri í viðræðum við stjórnvöld ? ætla sjómenn að leggja áherslu á sjómannaafsláttinn ? osfrv. Þetta verða ekki auðveldar viðræður og í mörg horn að líta þegar kemur að hvar við eigum helst að setja áherslupunktana okkar. En það sem verður að vera alveg á hreinu er ef við ætlum að ná árangri þá verðum við að standa saman, þannig og eingöngu þannig náum við markmiðum okkar um mannsæmandi laun á vinnumarkaði.

Á fundi miðstjórnar ASÍ þann 26.ágúst sl. kom fram að ríkisstjórnin hefði boðað aðila Stöðuleikasáttmálans á fund til að ræða aðkomu að nýrri samstarfsáætlun. Þar kom fram af hálfu fulltrúa verkalýðshreyfingarinnar að reynslan af Stöðugleikasáttmálanum og framgangi hans væri ekki með þeim hætti að hún gæfi tilefni til bjartsýni varðandi samstarf stjórnvalda og verkalýðshreyfingarinnar.

Í reynd hefðu stjórnvöld ekki staðið við mikilvæga þætti sáttmálans og ekki hafi verið hægt að treysta þeim loforðum sem ríkisstjórnin gaf í tengslum við hann. Í því sambandi var bent á aðgerðaleysið í atvinnumálum sem ASÍ hefur lengi gagnrýnt og svik varðandi lögbindingu framlaga til Starfsendurhæfingarsjóðs. Af þessum ástæðum hefði ASÍ sagt sig frá Stöðugleikasáttmálanum.

Þá lægi nú fyrir að ríkisstjórnin ætlar ekki að standa við loforð í skattamálum auk þess sem ekki á að verðbæta lífeyrisgreiðslur til elli- og örorkulífeyrisþega. Hefðu stjórnvöld raunverulegan áhuga á samstarfi væri réttast að þau byrjuðu á að efna það sem þegar hefði verið lofað. Fram kom á miðstjórnarfundinum að lítill áhugi væri meðal félagsmanna aðildarfélaganna á nýjum Stöðugleikasáttmála eða "samstarfsáætlun" í ljósi framgöngu stjórnvalda.

Af þessu má sjá að róðurinn verður ekki auðveldur og þurfum við sem störfum í framlínu stéttarfélaganna að halda á ráðum og stuðningi félagsmanna til að við náum sameiginlega þeim árangri sem við viljum helst ná. Með samstöðuna að vopni verða okkur allir vegir færir eins og sagan hefur sýnt okkur.

Samkomulag um vinnusta�ask�rteini taka gildi

Fri, 20 Aug 2010 07:19:00 +0000

Þann 15. ágúst sl. tók gildi samkomulag ASÍ og SA um vinnustaðaskírteini og eftirlit á vinnustöðum. Öllum atvinnurekendum í hlutaðeigandi greinum ber að sjá til þess að starfsmenn fái vinnustaðaskírteini þegar þeir hefja störf. Nánar um gildissvið og afmörkun starfa má finna í samkomulaginu sjálfu. Síðar er gert ráð fyrir að aðrar atvinnugreinar fylgi í kjölfarið. Atvinnurekandi og starfsmenn hans skulu bera skírteini á sér og vera reiðubúnir að framvísa því, sé þess óskað af eftirlitsfulltrúa. Með atvinnurekanda er einnig átt við sjálfstætt starfandi einstaklinga. Markmið vinnustaðaskírteina og eftirlits á vinnustöðum er að tryggja að atvinnurekendur og starfsmenn þeirra fari að gildandi lögum, reglugerðum og kjarasamningum. og þannig verði komið í veg fyrir ólöglega háttsemi fyrirtækja á íslenskum vinnumarkaði.

Á vinnustaðaskírteini skulu eftirfarandi upplýsingar koma fram:

Nafn og kennitala viðkomandi starfsmanns ásamt mynd. Starfsheiti er valkvætt. Ef starfsmaður erlends þjónustufyrirtækis er ekki með íslenska kennitölu skal skrá fæðingardag og ár.

Nafn/heiti atvinnurekanda eins og það er skráð í fyrirtækjaskrá (eða heiti starfsmannaleigu eins og það er skráð hjá Vinnumálastofnun).

Atvinnurekandi er ábyrgur fyrir gerð vinnustaðaskírteinisins og þeim upplýsingum sem þar koma fram. Hann er ekki bundinn við tiltekið form eða útlit svo lengi sem skírteinið uppfyllir skilyrðin hér að framan. Þau fyrirtæki sem þegar hafa gefið út vinnustaðaskírteini fyrir sig og starfsmenn sína, sem uppfylla skilyrðin hér að framan þurfa ekki að gera sérstakar ráðstafanir.

Beri atvinnurekandi eða starfsmenn hans ekki vinnustaðaskírteini á sér við störf sín á vegum atvinnurekanda á viðkomandi vinnustað atvinnurekanda skv. 2. mgr. 3. gr. geta eftirlitsfulltrúarnir tilkynnt um það til Vinnumálastofnunar. Vinnumálastofnun getur krafist þess að atvinnurekandi bæti úr annmörkunum innan hæfilegs frests að viðlögðum dagsektum. Sé um ítrekað brot atvinnurekanda að ræða getur Vinnumálastofnun krafist þess að atvinnurekandi bæti úr annmörkum innan sólarhrings. Ákvörðun um dagsektir skv. 1. mgr. skal tilkynnt skriflega á sannanlegan hátt þeim sem hún beinist að.

Dagsektir geta numið allt að 100.000 krónum hvern dag. Við ákvörðun fjárhæðar dagsekta skal meðal annars líta til fjölda starfsmanna atvinnurekanda og hversu umsvifamikill viðkomandi atvinnurekstur er. Dagsektir skulu renna í ríkissjóð. Hægt er að nálgast frekari upplýsingar á Skrifstofu félagsins eða á heimasíðunni www.skirteini.is.

Forseti AS� fundar � Vestfj�r�um

Thu, 19 Aug 2010 09:18:00 +0000

Gylfi Arnbjörnsson forseti Alþýðusambands Íslands fundar með stjórnum aðildarfélaga á Vestfjörðum á Ísafirði í dag. Fundurinn í dag er liður í fundarferð forseta ASÍ með aðildarfélögum um allt land. Gera má ráð fyrir að kjara- og efnahagsmál verði mjög fyrirferðamikil á fundinum í dag, þá verður einnig farið yfir afmarkaðar tillögur að breytingum á skipulagi ASÍ. Meðal annarra mála sem væntanlega verða rædd eru samskifti ASÍ við ríkisstjórnina og SA á samningstímanum sem nú er að líða. Ekki er heldur ólíklegt að kröfugerð aðildarfélaganna vegna komandi kjarasamninga komi til tals auk hinnar klassísku Evrópuumræðu.

A�sto� vegna myntk�rful�na

Wed, 18 Aug 2010 12:44:00 +0000

Félagsmönnum í Verkalýðsfélagi Vestfirðinga býðst nú að leita til lögfræðinga félagsins til að fá úr því skorið hvort myntkörfulán sem þeir kunna að hafa tekið gæti verið ólögmæt samkvæmt úrskurði hæstaréttar. Það eina sem þarf að gera er að koma eftirfarandi gögnum til félagsins:

1. Upprunalegur lánasamningur
2. Einn greiðsluseðil sem dæmi ( yfirleytt til staðar á heimabanka )

Félagið mun síðan sjá um að koma ofangreindum gögnum til lögfræðinga félagsins, sem munu síðan finna út hver staðan varðandi lánið er og veitt ráðgjöf um framhaldið. Þess má geta að þessi þjónusta er félagsmönnum algjörlega að kostnaðarlausu. Ef í ljós kemur að viðkomandi lán telst ólöglegt og við tæki frekari vinna lögfræðinga við hagsmunagæslu gagnvart bönkum eða fjármálafyrirtækjum yrði eingöngu greidd þóknun á sömu kjörum og félagsmenn njóta hverju sinni.

Laus vika � �lfusborgum * VIKAN LEIG� *

Tue, 10 Aug 2010 16:05:00 +0000

Vikan 13. - 20. ágúst í Ölfusborgum, sem eru meðal vinsælustu orlofsdvalarstaða félagsins, var að losna vegna forfalla. Þeir sem hafa áhuga ættu að drífa sig, því nú gildir reglan góða: Fyrstur kemur - fyrstur fær. Síminn er 456 3190.

Verk-Vest f�r g��a gj�f

Tue, 10 Aug 2010 08:37:00 +0000

Haukur Helgason fyrrverandi skólastjóri í Hafnarfirði hefur fært Verkalýðsfélagi Vestfirðinga að gjöf málverk í minningu föður síns, Helga Hannessonar formanns Verkalýðsfélagsins Baldurs á Ísafirði á árunum 1939-1949. Málverkið er af fæðingarstað Helga Hannessonar, Dynjanda í Jökulfjörðum, þar sem foreldrar hans Hannes Helgason og Jakobína Guðmundsdóttir bjuggu. Myndin er máluð af Jóni Hróbjartssyni árið 1929 og sýnir bæjarhúsin á Dynjanda og umhverfi.

Myndin var afhent s.l. fimmtudag, þegar Haukur Helgason var hér á ferð ásamt fjölskyldu sinni. Karítas Pálsdóttir gjaldkeri Verk-Vest og Pétur Sigurðsson fyrrum formaður Baldurs og Verk-Vest tóku við gjöfinni fyrir hönd félagsins. Viðstaddur var einnig Hafsteinn Sigurðsson, sonur Sigurðar Hannessonar bifreiðastjóra sem var bróðir Helga.

Helgi Hannesson fæddist á Dynjanda í Jökulfjörðum 18. apríl 1907. Fjölskyldan flutti nokkru síðar í Hnífsdal og bjó þar og á Snæfjallaströnd og Ísafirði um hríð. Hannes faðir hans stundaði sjómennsku en Jakobína vann við saltfiskverkun. Jakobína og Helgi Hannesson voru meðal stofnenda Verkalýðsfélags Hnífsdælinga árið 1924 og sátu bæði í stjórn félagsins árið 1927, þegar það háði hálfsmánaðarlangt verkfall til að verja tilvist sína og kjör verkafólks. Síðar tóku þau þátt í starfi Verkalýðsfélagins Baldurs á Ísafirði. Helgi tók kennarapróf frá Kennaraskóla Íslands árið 1931 og starfaði við Barnaskólann á Ísafirði næstu ár. Hann var formaður Baldurs 1939-1949. Árið 1948 varð hann bæjarstjóri í Hafnarfirði og sama ár var hann kosinn forseti Alþýðusambands Íslands og gegndi þeirri stöðu í sex ár. Frá 1954 starfaði hann við Tryggingastofnun ríkisins. Helgi Hannesson gegndi fjölda trúnaðarstarfa fyrir Góðtemplararegluna og var fyrsti formaður Samtaka sykursjúkra. Hann lést í Hafnarfirði 30. nóvember 1998.

Verkalýðsfélag Vestfirðinga þakkar Hauki Helgasyni og fjölskyldu hans ræktarsemi við félagið og minningu Helga Hannessonar formanns Baldurs.

Skertar atvinnuleysisb�tur vegna s�reignargrei�slna

Tue, 27 Jul 2010 09:41:00 +0000

Verkalýðsfélag Vestfirðinga hvetur þá félagsmenn sem eru 60 ára eða eldri og hafa verið að fá atvinnuleysisbætur ásamt því að fá greiddan séreignarlífeyrissparnað til að kanna hvort bætur þeirra hafi verið skertar vegna þessa. En breytingar voru gerðar á lögum um atvinnuleysistryggingar með lögum nr. 70/2010, sem tóku gildi í júní sl. Breytingar þessar fela meðal annars í sér að þeir sem eru 60 ára eða eldri og hafa fengið skertar greiðslur úr Atvinnuleysistryggingasjóði á tímabilinu 1. mars 2009 til dagsins í dag, vegna greiðslna úr séreignarlífeyrissjóði, geta átt rétt á endurgreiðslu úr Atvinnuleysis-tryggingasjóði sem nemur fjárhæð skerðingarinnar. Þetta á hins vegar ekki við um þá sem eru yngri en 60 ára þar sem greiðslur úr séreignarlífeyrissjóðum skerða ekki greiðslur til þeirra úr Atvinnuleysistryggingasjóði.

Félagsmönnum er bent á að til að fá þetta leiðrétt þá verða þeir sem telja að um skerðingu hafi verið að ræða að sækja um endurútreikning á greiðslum úr Atvinnuleysistryggingasjóði. Hægt er að nálgast umsóknareyðublað hér.
Nauðsynlegt er að láta kvittun eða greiðsluyfirlit vegna greiðslna úr séreignarlífeyrissjóði fylgja með umsókn um endurútreikning.

Framangreind breyting var m.a. gerð að kröfu ASÍ og aðildarsamtaka þess. Þrátt fyrir óskir ASÍ um að Greiðslustofa Vinnumálastofnunar myndi sjá um framkvæmdina, þannig að endurgreiðsla færi fram sjálfkrafa Þá var ekki fallist á það. Því þurfa einstaklingar að sækja sérstaklega um þessa endurgreiðslu.

Þarna getur verið um umtalsverða hagsmuni að ræða fyrir viðkomandi einstaklinga og er bent á að umsóknarfrestur er til 1. september nk.

Allar frekari upplýsingar um málið og framkvæmdina má fá á vef Vinnumálastofnunar: http://www.vinnumalastofnun.is/frettir/nr/2163/

Muni� helgarfer�ina � Sn�fellsnes

Thu, 15 Jul 2010 11:47:00 +0000

Við minnum á helgarferð félagsins á Snæfellsnes 13. - 15. ágúst. Snæfellsnes er rómað fyrir náttúrufegurð og þar eru fjölbreytilegri jarðmyndanir en á flestum öðrum stöðum. Yst á nesinu er einn af þremur þjóðgörðum landsins og sá eini sem liggur að sjó. Þar er að finna margar merkilegar minjar um sjósókn fyrri tíma.

Ótal sérstæðir og fagrir staðir verða á vegi þeirra sem fara í þessa ferð, t.d. Arnarstapi, Lóndrangar og Þúfubjarg, þar sem Kolbeinn Jöklaskáld kvaðst á við Kölska forðum og Djúpalónssandur og Dritvík sem geyma minjar um merkilega útgerðarsögu. Yfir öllu þessu gnæfir Snæfellsjökull, eitt af formfegustu fjöllum Íslands, sem margir telja óþrjótandi orkuuppsprettu.

Lagt verður afstað frá Ísafirði eftir hádegi á föstudag og ekið að Laugum í Sælingsdal þar sem verður gist. Á laugardag verður farin hringferð um nesið og síðan gist í Stykkishólmi. Farið verður í heimsókn í Bjarnarhöfn á sunnudag og að því búnu farið með Baldri yfir Breiðafjörð.

Enn eru nokkur sæti laus og félagsmenn eru hvattir til að nota tækifærið. Í landslagi og náttúrufari Snæfellsness er margt að finna sem jafnvel Vestfirðingum mun þykja mikið til um.

Nánari upplýsingar um ferðatilhögun hér.

Minnt � l�gmarksh�kkun 1. j�n� - reikniv�l � vefnum

Tue, 13 Jul 2010 13:18:00 +0000

1. júní 2010 hækkuðu kauptaxtar á almenna vinnumarkaðinum um kr. 6.500 á mánuði. Bónus og premía hækkuðu þá um 2,5% og sömuleiðis ákvæðisvinna. Lágmarkshækkun 1. júní var 2,5%, þannig að þeir sem voru á hærri launum en taxtar sögðu til um, áttu að hækka um a.m.k. þá prósentutölu. Alltaf er viss hætta á að slíkar lágmarkshækkanir skili sér ekki, vegna gleymsku eða af öðrum ástæðum og því er minnt á þetta nú.

Félagsmenn verða sjálfir að fylgjast með hvort atvinnurekandinn stendur skil á 2,5% hækkuninni eins og vera ber, en til að gera þeim sem eiga rétt á slíkri lágmarkshækkun hægara um vik höfum við sett á vefinn reiknivél þar sem hægt er að ganga úr skugga um hvort umsamin hækkun hefur skilað sér. Telji menn að svo sé ekki er þeim bent á að hafa samband við félagið í síma 456 3190.

Reiknivél vegna hækkunar 1. júní 2010.

1. nóvember 2009 tók einnig 3,5% launaþróunartrygging gildi hjá þeim sem enga hækkun höfðu fengið frá 1. janúar 2009 og voru ekki á kauptaxta. Ef um hækkanir á launum var að ræða á þessu tímabili þá drógust þær frá 3,5%.
Reiknivél vegna hækkunar 1. nóv. 2009.

Að lokum er rétt að minna á að frá 1. júní 2010 eru lágmarkslaun fyrir fulla dagvinnu á almenna markaðinum og hjá ríkinu kr. 165.000, en hjá sveitarfélögunum kr. 170.000.

Verkal��sf�lag Vestfir�inga - Allar fr�ttir

ORLOF 2010

Undirb�ningur kjarasamninga - er r�kisstj�rninni treystandi ?

Samkomulag um vinnusta�ask�rteini taka gildi

Forseti AS� fundar � Vestfj�r�um

A�sto� vegna myntk�rful�na

Laus vika � �lfusborgum ******* VIKAN LEIG� *******

Verk-Vest f�r g��a gj�f

Skertar atvinnuleysisb�tur vegna s�reignargrei�slna

Muni� helgarfer�ina � Sn�fellsnes

Minnt � l�gmarksh�kkun 1. j�n� - reikniv�l � vefnum

Laus vika � �lfusborgum * VIKAN LEIG� *