Verkal��sf�lag Vestfir�inga - Fr�ttir

Skertar atvinnuleysisb�tur vegna s�reignargrei�slna

Tue, 27 Jul 2010 09:41:00 +0000

Verkalýðsfélag Vestfirðinga hvetur þá félagsmenn sem eru 60 ára eða eldri og hafa verið að fá atvinnuleysisbætur ásamt því að fá greiddan séreignarlífeyrissparnað til að kanna hvort bætur þeirra hafi verið skertar vegna þessa. En breytingar voru gerðar á lögum um atvinnuleysistryggingar með lögum nr. 70/2010, sem tóku gildi í júní sl. Breytingar þessar fela meðal annars í sér að þeir sem eru 60 ára eða eldri og hafa fengið skertar greiðslur úr Atvinnuleysistryggingasjóði á tímabilinu 1. mars 2009 til dagsins í dag, vegna greiðslna úr séreignarlífeyrissjóði, geta átt rétt á endurgreiðslu úr Atvinnuleysis-tryggingasjóði sem nemur fjárhæð skerðingarinnar. Þetta á hins vegar ekki við um þá sem eru yngri en 60 ára þar sem greiðslur úr séreignarlífeyrissjóðum skerða ekki greiðslur til þeirra úr Atvinnuleysistryggingasjóði.

Félagsmönnum er bent á að til að fá þetta leiðrétt þá verða þeir sem telja að um skerðingu hafi verið að ræða að sækja um endurútreikning á greiðslum úr Atvinnuleysistryggingasjóði. Hægt er að nálgast umsóknareyðublað hér.
Nauðsynlegt er að láta kvittun eða greiðsluyfirlit vegna greiðslna úr séreignarlífeyrissjóði fylgja með umsókn um endurútreikning.

Framangreind breyting var m.a. gerð að kröfu ASÍ og aðildarsamtaka þess. Þrátt fyrir óskir ASÍ um að Greiðslustofa Vinnumálastofnunar myndi sjá um framkvæmdina, þannig að endurgreiðsla færi fram sjálfkrafa Þá var ekki fallist á það. Því þurfa einstaklingar að sækja sérstaklega um þessa endurgreiðslu.

Þarna getur verið um umtalsverða hagsmuni að ræða fyrir viðkomandi einstaklinga og er bent á að umsóknarfrestur er til 1. september nk.

Allar frekari upplýsingar um málið og framkvæmdina má fá á vef Vinnumálastofnunar: http://www.vinnumalastofnun.is/frettir/nr/2163/

Muni� helgarfer�ina � Sn�fellsnes

Thu, 15 Jul 2010 11:47:00 +0000

Við minnum á helgarferð félagsins á Snæfellsnes 13. - 15. ágúst. Snæfellsnes er rómað fyrir náttúrufegurð og þar eru fjölbreytilegri jarðmyndanir en á flestum öðrum stöðum. Yst á nesinu er einn af þremur þjóðgörðum landsins og sá eini sem liggur að sjó. Þar er að finna margar merkilegar minjar um sjósókn fyrri tíma.

Ótal sérstæðir og fagrir staðir verða á vegi þeirra sem fara í þessa ferð, t.d. Arnarstapi, Lóndrangar og Þúfubjarg, þar sem Kolbeinn Jöklaskáld kvaðst á við Kölska forðum og Djúpalónssandur og Dritvík sem geyma minjar um merkilega útgerðarsögu. Yfir öllu þessu gnæfir Snæfellsjökull, eitt af formfegustu fjöllum Íslands, sem margir telja óþrjótandi orkuuppsprettu.

Lagt verður afstað frá Ísafirði eftir hádegi á föstudag og ekið að Laugum í Sælingsdal þar sem verður gist. Á laugardag verður farin hringferð um nesið og síðan gist í Stykkishólmi. Farið verður í heimsókn í Bjarnarhöfn á sunnudag og að því búnu farið með Baldri yfir Breiðafjörð.

Enn eru nokkur sæti laus og félagsmenn eru hvattir til að nota tækifærið. Í landslagi og náttúrufari Snæfellsness er margt að finna sem jafnvel Vestfirðingum mun þykja mikið til um.

Nánari upplýsingar um ferðatilhögun hér.

Minnt � l�gmarksh�kkun 1. j�n� - reikniv�l � vefnum

Tue, 13 Jul 2010 13:18:00 +0000

1. júní 2010 hækkuðu kauptaxtar á almenna vinnumarkaðinum um kr. 6.500 á mánuði. Bónus og premía hækkuðu þá um 2,5% og sömuleiðis ákvæðisvinna. Lágmarkshækkun 1. júní var 2,5%, þannig að þeir sem voru á hærri launum en taxtar sögðu til um, áttu að hækka um a.m.k. þá prósentutölu. Alltaf er viss hætta á að slíkar lágmarkshækkanir skili sér ekki, vegna gleymsku eða af öðrum ástæðum og því er minnt á þetta nú.

Félagsmenn verða sjálfir að fylgjast með hvort atvinnurekandinn stendur skil á 2,5% hækkuninni eins og vera ber, en til að gera þeim sem eiga rétt á slíkri lágmarkshækkun hægara um vik höfum við sett á vefinn reiknivél þar sem hægt er að ganga úr skugga um hvort umsamin hækkun hefur skilað sér. Telji menn að svo sé ekki er þeim bent á að hafa samband við félagið í síma 456 3190.

Reiknivél vegna hækkunar 1. júní 2010.

1. nóvember 2009 tók einnig 3,5% launaþróunartrygging gildi hjá þeim sem enga hækkun höfðu fengið frá 1. janúar 2009 og voru ekki á kauptaxta. Ef um hækkanir á launum var að ræða á þessu tímabili þá drógust þær frá 3,5%.
Reiknivél vegna hækkunar 1. nóv. 2009.

Að lokum er rétt að minna á að frá 1. júní 2010 eru lágmarkslaun fyrir fulla dagvinnu á almenna markaðinum og hjá ríkinu kr. 165.000, en hjá sveitarfélögunum kr. 170.000.

Laust � Svignaskar�i VIKAN ER LEIG�

Fri, 09 Jul 2010 15:18:00 +0000

Vegna forfalla er orlofshús í Svignaskarði laust vikuna 13. - 20. ágúst. Svignaskarð er vinsælasti orlofsdvalarstaður félagsins. Fyrstir koma - fyrstir fá.

Upplýsingar um lausar vikur í orlofshúsum Verk-Vest eru hér.

Uppsagnir � vega og mannvirkjager�

Mon, 05 Jul 2010 11:19:00 +0000

Nú um þessi mánaðarmót hafa fyrirtæki sem sérhæfa sig í vega- og mannvirkjagerð enn þurft að segja upp starfsfólki. Gera má ráð fyrir að þessar uppsagnir varði rúmlega 200 manns á landinu öllu. Þessir einstaklingar bætast nú við þá tæplega þá 17 þúsund einstaklinga sem eru í atvinnuleit á Íslandi í dag. Ef stjórnvöld í landinu ætla ekki að bregðast við ákalli um auknar framkæmdir má gera ráð fyrir atvinnuleysi festi sig í sessi til lengri tíma, hagvöxtur í landinu frestist og efnhagslægðin verði lengri og erfiðari. Stjórnvöld í landinu verða að átta sig á því að auknar framkvæmdir skila sér að miklu leiti aftur í ríkiskassann.

Þegar yfirlitskort vegagerðarinnar á www.vegagerdin.is vegna framkvæmda við vegagerð á landinu er skoðað má sjá að nánast allar framkvæmdir sem eru í gangi munu klárast á þessu ári eða í ársbyrjun 2011. Engar nýframkvæmdir er að sjá í spilunum þrátt fyrir að brýn nausyn sé til að hefja framkvæmdir svo hægt sé að halda hjólum atvinnulífsins gangandi. Alþýðusamband Íslands hefur lagt fram metnaðarfulla aðgerðaráætlun sem send var til stjórnvalda en lítil eða engin viðbrögð hafa orðið við því ákalli. Þá hafa stéttarfélög hringinn í kringum landið sent frá sér ályktanir og samþykktir þar sem ríkisstjórn og sveitastjórnir eru hvattar til taka höndum saman við að koma atvinnu, efnahags og félagsmálum í þann farveg að hér verði viðunandi hagvöxtur á nýjan leik.

Á þenslutímum eiga ríkis- og sveitastjórnir að halda að sér höndum, en þegar kreppir að þá verða þessir aðilar að koma að borðinu og setja aukna drift inn í atvinnulífið svo þar ríki ekki algjört frost. Við sjáum það öll í hendi okkar að aukin atvinna skapar auknar tekjur fyrir alla innviði þjóðarbúsins. Ríkissjóður fær til baka aukna skatta frá fyrirtækjum og einstaklingum svo sem tekjuskatt, virðisaukaskatt, tryggingagjald, olíugjald og svona mætti áfram telja. Þá greiðir starfsfólk þessarar fyrirtækja ýmsa jaðarskatta fyrir utan aukið útsvar til sveitafélaga. Þá eru ótalin öll hliðar áhrif sem auknar framkvæmdir skila út í samfélagið. Innspíting fjármuna inn í atvinnulífið er það sem sárvantar við núverandi aðstæður.

Lykilatriðið í þessu öllu er því að sýna ákveðni og framsýni við ákvarðanartöku og það verður best gert með því að ráðast strax í framkvæmdir sem skila þjóðarbúinu aukinni hagsæld. Með því að gera lítið annað en skera niður útgjaldaþætti í rekstri þá kemur að því að tekjuþættirnir verði nánast engir. Þá er ótalin sú staðreynd að fjölgun á atvinnuleysisskrá þýðir aukin útgjöld fyrir ríkissjóð í formi atvinnuleysisbóta. Það verða allir að taka þátt í að koma efnahags- og atvinnulífinu á réttan kjöl og það er ekki eftir neinu að bíða. Ekki mun standa á kröftum verkalýðshreyfingarinnar eins og aðgerðaráætlun Alþýðusambands Íslands staðfestir. Við ættum öll að hafa kjörorð 1.maí að leiðarljósi í því mikilvæga verkefni, því öll viljum við vinna.

F��ispeningar sj�manna h�kku�u 1.j�n� 2010

Mon, 05 Jul 2010 07:40:00 +0000

Samkvæmt kjarasamningum þá hækkuðuð fæðispeningar til sjómanna um 7,2% frá og með 1. júní 2010. Þetta hefur verið leiðrétt í kaupgjaldskrá sjómanna hér á vefnum.

Fæðispeningar frá 1.júní eru því eftirfarandi fyrirhvern dag:

A. Skuttogarar, loðnuskip og sambærileg skip........kr. 1.388
B. Önnur skip stærri en 100 brl. sem ekki eru
tiltekin í lið A..............................................kr. 1.103
C. Skip 12 - 100 brl..........................................kr. 836

V�ruver� enn h�tt �r�tt fyrir styrkingu kr�nunnar !

Fri, 02 Jul 2010 08:54:00 +0000

Þrátt fyrir samfellda styrkingu krónunnar frá áramótum bólar enn lítið á verðlækkunum á innfluttum neysluvörum. Forsvarsmenn verslunarinnar hafa fullyrt að verslunin hafi almennt tekið á sig afkomuskerðingu vegna veikra stöðu krónunnar. En nú þegar krónan hefur styrkst þá er ekki að sjá að verð lækki sem nemur styrkingunni.

Sé verðþróun innfluttra vara skoðuð frá ársbyrjun 2008 þegar krónan tók að veikjast er bein tenging hvernig verðlag á helstu flokkum innfluttra neysluvara hækkaði framan af nokkurn veginn samhliða veikara gengi krónunnar. En það furðulega er að þrátt fyrir 25 - 30% styrkingu krónunnar þá hefur vöruverð ýmist haldið áfram að hækka eða nánast staðið óbreytt undanfarna mánuði.

Flestir innfluttir vöruflokkar hafa hækkað um eða yfir 50% undanfarið eitt og hálft ár á sama tíma og gengi krónunnar hefur veikst um ríflega 70%. Innfluttar mat- og drykkjarvörur hafa hækkað enn meira eða um tæplega 70% frá því í ársbyjun 2008. Þrátt fyrir hagstæða gengisþróun þá hefur verð á matvöru stðaið í stað eða jafnvel í sumum tilfellum hækkað.

Þannig eru engin tilefni til þess að verðlag innfluttra vara hækki í fullu samræmi við veikara gengi krónunnar. Það að skýla sér bak við veika stöðu krónunnar og segja að eina sem skýri miklar verðhækknir á innfluttum vörum undanfarin misseri sé af þeim völdum stenst einfaldlega ekki. Af þessu verður heldur ekki séð að sú afkomuskerðing sem forsvarsmenn verslunarinnar tala um að verslunin hafi tekið á sig vegna gengislækkunarinnar sé almennt til komin vegna þess að haldið hafi verið aftur af verðhækkunum til neytenda.

Það er því engin furða þótt neytendur spyrji hvenæar búast megi við því að styrking krónunnar sjáist í vöruverði. Við eigum öll að vera á tánum og koma ábendingum um vöruverð á framfæri til hagsmunasamtaka neytenda. Þetta gerði einn af félagsmönnum Verk Vest, en hann kannaði verð á ýmsum algengum heimilistækjum á Íslandi og Danmörku og kom upplýsingunum á framfæri til félagsins. Öllum svona upplýsingum og ábendingum kemur félagið svo á framfæri við verðlagseftirlit ASÍ. Eins og sjá á meðfylgjandi tölum þá eru niðurstöður konnunarinnar sláandi og engin augljós skýring á þessum mikla verðmun, sem er rúmlega 100% hærri í sumum tilfellum.

Elko.is Elgiganten.dk

Verð á Íslandi Verð í Danmörku

Gram kæliskápur (185cm) KS34456
149.995 69.619

Electrolux kæliskápur (180cm) ERE38405W
209.995 115.835

LG kæli- of frystiskápur (175cm) - silfur GWL207FLQK
299.995 253.214

Siemens uppþvottavél SN46M200SK
149.995 132.928

Philips 42'' LCD sjónvarp - Full HD 42PFL3604H
179.995 105.304

Sony 40'' LCD sjónvarp - Full HD KDL40BX400AEP

224.995 101.274

Samsung 42'' plasma sjónvarp PS42B435XXE
159.995 82.281

Ver� � �orski l�kkar um 5%

Thu, 01 Jul 2010 15:32:00 +0000

Á fundi Úrskurðarnefndar sjómanna og útvegsmanna var ákveðið að lækka verð á slægðum og óslægðum þorski, sem sem ráðstafað er til eigin vinnslu eða seldur til skyldra aðila, um 5%. Verð þetta gildir frá og með deginum í dag, 1. júlí 2010.

Vel heppna�ur fj�lskyldudagur verk Vest

Wed, 30 Jun 2010 14:01:00 +0000

Fjölskyldudagur Verk Vest var haldinn í ágætu veðri á víkingasvæðinu á Þingeyri laugardaginn 26.júní síðast liðinn. Félagsmenn og fjölskyldur þeirra áttu ánægjulega samverustund við ýmsa leiki sem íþróttafélagið Höfrungur á Þingeyri stóð fyrir. Þá bauð félagið þeim sem vildu upp á siglingu í víkingaskipinu Vésteini og þáðu nokkrir að leggjast í víking út á Dýrafjörðinn. Félagið gaf öllum þeim sem sóttu fjölskyldudaginn höfuðskjól "Buff" með merki félagsins og að vanda var einnig boðið upp á grillaðar pylsur og gos.

Vinnusk�linn � heims�kn

Thu, 24 Jun 2010 14:25:00 +0000

Vinnuskóli Ísafjarðarbæjar er nú kominn á fullt og má sjá ungmenni um allan bæ við hin ýmsu störf. Mest ber á vinnu við snyrtingu umhverfisins svo sem hreinsun opinna svæði ásamt garðslætti að ógleymdum Morranum. En vinnuskólinn er ekki bara vinna, hann áað vera sambland af vinnu, leik og námi. Það hefur tekist mjög vel hjá Ísafjarðarbæ að tvinna þessu saman og eiga bæjaryfirvöld hrós skilið fyrir hve vel er staðið að þessum málaflokki sem vinnuskólinn er.

Einn liður í náminu er fræðsla um vinnumarkaðinn og hefur Verkalýðsfélag Vestfirðinga haft veg og vanda af þeirri kynningu. Í dag komu fyrstu hóparnir á kynnigu hjá félaginu og var ekki annað að heyra og sjá en krakkarnir væru áhugasöm um það sem helst brennur á þeim varðandi kaup og kjör. Fóru þau út í góða veðrið margs vísari um réttindi og skyldur á vinnumarkaði. Verk Vest þakkar þessum frábæru krökkum fyri komuna, og er óhætt að segja að framtíðin sé björt þegar þetta unga fólk tekur enn meiri þátt í samfélaginu okkar.