Fréttir

Ríki og sveitarfélög auka enn álögur á heimilin með hækkunum á gjaldskrám og neyslusköttum í upphafi árs. Þessar hækkanir skila sér beint út í verðlag og áhrifa þeirra gætir í verðbólgutölum janúarmánaðar sem Hagstofan birti í gær. Samkvæmt þeim hækka opinberar álögur verðlag í janúar um 0,4%. Þau skilaboð sem í þessu felast eru í algjörri andstöðu við þann samtakamátt um aðhald í verðlagsmálum sem lagt var upp með við endurskoðun kjarasamninga fyrr í mánuðinum. Opinberir aðilar ættu þar að ganga á undan með góðu fordæmi. Hækkanirnar nú koma til viðbótar síendurteknum hækkunum á opinberum álögum sem valdið hafa aukinni verðbólgu síðustu ár.
Áhrif helstu hækkanna á opinberum álögum á verðlag í janúar 2013

Liður	Hækkun	Vísitöluáhrif
Fasteignagjöld - sorp, holræsi, vatn	7,3%	0,13 %
Tóbak	18% / 9%*	0,23%/ 0,12%*
Heilbrigðisþjónusta	2,7%	0,06%
Leik- og grunnskólar	5,1% / 4,3%	0,05%
Rafmagn og hiti	1,1%	0,03%
Samtals		0,39%

*Áhrif sem rekja má til hækkunar á tóbaksgjaldi

Enn von á meiri hækkunum !
Þann 1. mars nk. tekur gildi hækkun á vörugjöldum á sykraðar matvörur og mun sú hækkun að líkindum skila sér út í verðlag á vordögum. Erfitt er að áætla áhrif þeirra breytinga en skv. frumvarpinu sem samþykkt var í desember er talið að hækkunin muni leiða til 0,01% hækkunar á verðlagi. Þá hækkar viriðisaukaskattur á gistiþjónustu þann 1. september nk. og er sömuleiðis gert ráð fyrir að sú hækkun leiði til 0,01% hækkunar á verðlagi.

Nánari umfjöllun má lesa á vef ASÍ.