Orlofssjóður Verk-Vest

Verkalýðsfélag Vestfirðinga býður félagsmönnum fjölbreytta valkosti í orlofsdvalarstöðum víðs vegar um landið:

Staðsetning svæðanna sést á kortinu hér til hliðar. Frekari upplýsingar um húsin og íbúðirnar, s.s. stærð, búnað, umhverfi, leiguskilmála o.fl. fást með því að smella á viðeigandi tengil hér fyrir neðan. 

Meginatriði sem hafa þarf í huga:

  • Leigutímabil íbúða og sumarhúsa skiptast í 3 tímabil:
  • Janúar til 15. maí (opnast fyrir pantanir 1. nóv) - 15. maí til 15. september (opnast 1. mars) - 15. sept til áramóta (opnast 1. júlí). Sérstakar reglur eiga þó við um sumarúthlutun.
  • Félagsmenn geta pantað íbúð/sumarhús á vef félagsins í gegnum orlofshúsabókanir.
  • Lykla af íbúðum þarf að sækja á skrifstofur VerkVest og skila aftur þangað að dvöl lokinni.
  • Lyklar af sumarhúsum eru almennt í lyklaboxi og númer þess gefið upp á samningi. Í einhverjum tilfellum er lykill hjá umsjónarmanni á staðnum og þarf að vitja hans á tilsettum tíma. Ef leigutaki tefst er bráðnauðsynlegt að láta umsjónarmann vita.
  • Það er með öllu óheimilt er að framselja leigusamninga. Leigutaki ber ábyrgð á húsinu/íbúðinni og öllu sem því fylgir. Félagsmaður sem verður uppvís af framsali á leigusamning verður meinaður aðgangur að íbúðum og husum félagsins.
  • Allt húsdýrahald er bannað í orlofsbústöðum Verk-Vest að viðlögðum tafarlausum brottrekstri.
  • Leigutaka ber að ganga vel um, þrífa eftir sig og skila húsinu/íbúðinni og öllum búnaði hreinu og tilbúnu fyrir næsta leigjanda. Verði vanhöld á þessu er þrifið á kostnað síðasta leigutaka.

Félagið greiðir einnig götu félagsmanna í sumarleyfinu með afsláttarkjörum hjá Eddu- og Fosshótelum, Útilegukorti sem gildir á tjaldstæðum vítt og breitt um landið og Veiðikorti sem veitir aðgang að 35 vatnasvæðum. Einnig er hægt að kaupa flugmiða hjá flugfélaginu Örnum og gistingu á nokkrum gistiheimilum á orlofsvefnum.

Sjá flipann Orlofshús Bókanir og fara svo í miðar og kort

Samstarfssamningur við 365 miðla.

Verk Vest hefur gert samstarfssamning við 365 miðla um uppsetningu áskriftarlykla í orlofsíbúðir félagsins á Akureyri og í Reykjavík. Á næstunni munu félagsmenn sem dvelja í íbúðunum geta keypt áskrift að Stöð 2, Stöð 2 sport, Stöð 2 sport 2 og Fjölvarpi stöðvar 2. Nánari upplýsingar um verð og skilmála mun fylgja myndlyklum í hverri orlofsíbúð félagsins.

Orlofsbústaðir

Orlofsíbúðir

Landssambönd

Verkalýðsfélag Vestfirðinga er aðili að eftirtöldum landssamböndum innan ASÍ.