Atkvæðagreiðsla um samning SGS og ríkisins stendur til 20. júní
Starfsfólk Heilbrigðisstofnunarinnar Hólmavík
Atkvæðagreiðsla um nýjan kjarasamning Starfsgreinasambands Íslands og ríkisins er nú hafin. Atkvæðagreiðslan er sameiginleg og sér Starfsgreinasambandið um hana. Verk-Vest hvetur félagsmenn sem vinna eftir samningnum til að nýta sér atkvæðisréttinn. Greinargott kynningarefni mun fylgja kjörgögnum, en þeir sem telja sig þurfa nánari útskýringar eða óska eftir kynningarfundi, t.d. á stærri vinnustöðum, eru beðnir að snúa sér til skrifstofu félagsins s. 456 3190.
Eftirfarandi tilkynning er af vef Starfsgreinasambandsins:
"Núna stendur yfir póstatkvæðagreiðsla um samkomulag Starfsgreinasambands Íslands, f.h. aðildarfélaga sinna við fjármálaráðherra f.h. ríkissjóðs um breytingar á kjarasamningi aðila sem skrifað var undir 26. maí s.l. Atkvæðisrétt eiga allir félagsmenn aðildarfélaga SGS sem vinna eftir þessum ríkissamningi og greiddu félagsgjöld til viðkomandi aðildarfélags SGS í apríl s.l. Alls 2.139 einstaklingar eru á kjörskrá og þeim hefur verið send kjörgögn og kynningarefni sem ætti að berast í þessari viku. Sérstök kynnig á samnignum fer fram hjá stéttarfélögunum um allt land og eftir atvikum á einstaka vinnustöðum þar sem hópar eru fjölmennir.
Fái einnhver sem telur sig eiga atkvæðisrétt ekki send kjörgögn, getur viðkomandi snúið sér til skrifstofu síns stéttarfélags, og fengið sig færðan á kjörskrá og greitt atkvæði, enda leggi viðkomandi fram launaseðil sem sanni afdregin félagsgjöld í apríl 2008. Tekið er við kjörskrárkærum samkvæmt framansögðu til kl. 12.00 föstudaginn 20. júní en þá lýkur atkvæðagreiðslu um samninginn.
Starfsgreinasambandið hvetur félagsmenn aðildarfélaganna til þátttöku í atkvæðagreiðslunni og að samþykkja samninginn. Við erum sterkari saman!"
Sjá einnig frétt 26. maí s.l. hér á vefnum.
