Hvaða inneignir almennings eru tryggðar ?
Alþýðusamband Íslands, ASÍ, hefur gefið út leiðbeiningar vegna inneigna almennings í banka og fjármálastofnunum. Er þar farið yfir hvaða reglur gilda um innistæður, séreignasparnað og séreignasjóði. Er þar bæði vísað í lög um innistæðutryggingar og tryggingakerfi fyrir fjárfesta þ.e. tryggingasjóðslögin, og yfirlýsingu ríkisstjórnarinnar frá 6. október sl. en samkvæmt henni mun ríkissjóður ábyrgjast allar innistæður. Eins er þar farið yfir hvaða inneignir séu ekki tryggðar og hvenær bætur verði greiddar, reyni á ábyrgð Tryggingasjóðs. Þá er einnig komið inn á þær hámarksfjárhæðir sem hverjum einstaklingi eru tryggðar, en þær eru kr. 3.000.000,- á hverja kennitölu hjá sömu bankastofnun. Ef viðskiptamaður á innistæður í fleiri bankastofnunum þá gildir nýtt hámark þar. Nánari upplýsingar má finna á meðfylgjandi vefsíðum.
Vefur Tryggingasjóðs - nánari upplýsingar
Vefur Tryggingasjóðs - spurt og svarað
Lög um innistæðutryggingar og tryggingakerfi fyrir fjárfesta
Reglugerð um innistæðutryggingar og tryggingakerfi fyrir fjárfesta
