Jákvæður fundur SGS með ríkisstjórninni
Fulltrúar Starfsgreinasambandsins áttu fund með ríkisstjórninni þ.e. forsætis-, utanríkis- félagsmála- og fjármálaráðherra í morgun þar sem farið var yfir stöðu kjaraviðræðna við samninganefnd ríkisins. Fundurinn var mjög jákvæður en skipst var á skoðunum um þau sameiginlegu markmið sambandsins og ríkisins að hækka þurfi sérstaklega laun þeirra sem starfa við ummönnun og vinna að auknum kaupmætti þeirra sem vinna láglaunastörfin. Starfgreinasambandið lagði áherslu á að ljúka þyrfti kjaraviðræðum sem fyrst og tók ríkisstjórnin undir þau sjónarmið, en viðræður hafa dregist um of á langinn. Gert er ráð fyrir að viðræður hefjist fyrir alvöru við samninganefnd ríkis um helgina og að reynt verði að ná samningi fljótlega.
Fréttin er tekin af vef SGS
