Fréttir

Félagsmönnum Verk Vest er bent á að fræðslusjóðirnir Landsmennt, Ríkismennt og Sveitamennt hafa gefið út nýja bæklinga þar sem styrkupphæðir hafa verið samræmdar á milli sjóða. Hjá Landsmennt hækkar hámarksupphæð einstaklingsstyrkja í kr. 60.000,- frá og með 1.júlí 2008. Þá hækka styrkir vegna tómstundanáms hjá Landsmennt og Ríkismennt í kr. 18.000,- frá og með 1. júli 2008. Styrkir vegna íslenskunáms hjá Ríkis- og Sveitamennt til félagsmanna sem hafa annað móðurmál en íslensku nema nú allt að 90% af kostnaði vegna 150 stunda íslenskunám, gildir eftir aðeins mánaðar félagsaðild í stéttarfélagi. Áður höfðu styrkir vegna aukinna ökuréttinda hækkað í kr. 100.000,- hjá Landsmennt. Sömuleiðis er greiddur styrkur vegna almenns ökunáms allt að 75% af kostnaði að hámarki hjá fræðslusjóðum sem Verkalýðsfélag Vestfirðinga á aðild að. Nánari upplýsingar um fræðslusjóði má finna hér á heimasíðunni undir Fræðslumál.