Orlofssjóður Verk Vest stendur í stórræðum
Stofa og borðkrókur á Illugastöðum
Séð inn á baðhebergi á Illugastöðum
Stofan í Branaborg eftir endurnýjun
Eldhúsið í Bjarnaborg
Eitt af svefnherbergjunum í Bjarnaborg
Unnið hefur verið að endurbótum á nokkrum af sumarbústöðum félagsins, má þar nefna að að húsið á Illugastöðum var endurnýjað nánast frá grunni, en engar endurbætur höðu verið gerðar á húsinu undan farin ár. Í dag er bústaðurinn allur hinn glæsilegasti, öll húsgögn og tæki endurnýjuð enda ekki vanþörf á. Eftirleiðis ætti því ekki að væsa um félagsmenn okkar sem dvelja þar.
Þá hefur orlofsíbúðin í Bjarnaborg á Suðureyri verið tekin í gegn, en hún verður í sumarleigu til Öldunnar stéttarfélags í Skagafirði í sumar. Einnig eru nýhafnar endurbætur á öðru húsi félagsins á Einarsstöðum og er ráðgert að þeim framkvæmdum verði lokið áður en sumarvertíðin hefst. Áður var lokið endurnýjun á húsum félagsins í Ölfusborgum sem ráðist var í í kjölfar jarðskjálftanna á suðurlandi í lok maí 2008.
