Óvægin umræða á samfélagsmiðlum
Verkalýðsfélag Vestfirðinga hefur til meðferðar mál skipverja á Júlíusi Geirmundssyni ÍS-270 og vill beina eftirfarandi tilmælum til þeirra sem vilja láta sig þetta mál varða:
Málið er litið mjög alvarlegum augum hjá félaginu og verður málið unnið með hagsmuni félagsmanna að leiðarljósi. Hins vegar hefur mjög óvægin og oft á tíðum ósmekkleg umræða átt sér stað á samfélagsmiðlum. Staðreyndir málsins einar og sér eru alvarlegar, en það að kasta fram óábyrgum athugasemdum og fara í persónuárásir gera málinu ekki gagn á neinn hátt og eru frekar til þess fallnar að leiða umræðuna frá staðreyndunum og skapa úlfúð í okkar samfélagi. Þess vegna óskar Verkalýðsfélag Vestfirðinga eftir því að við öll tjáum okkur með ábyrgum hætti og sýnum háttvísi.
Finnbogi Sveinbjörnsson, formaður Verk Vest.
Bergvin Eyþórsson, varaformaður Verk Vest.
