Rafbílar og umgengni í bílastæðishúsi í Sunnusmára
BANNAÐ
BANNAÐ
BANNAÐ
BANNAÐ
Starfsfólki Verk Vest hefur borist fjöldi kvartana vegna slæmrar umgengni okkar fólks í bílastæðishúsinu í Sunnusmára 16-18. Alvarlegustu kvartanirnar snúa að rafbílaeigendum sem tengja bíla í hleðslu beint inn á húsrafmagnið en slíkt er STRANGLEGA BANNAÐ og þar að auki stórhættulegt! Á leigusamningum fyrir íbúðir kemur skýrt fram að slíkt sé með öllu óheimilt og varði við sektum.
Nota skal rafhleðslustöðvar sem eru staðsettar á sameiginlegu bílastæði sem fylgir húsinu.
Aðrar kvartanir snúa að almennri umgengni í sameign þar sem okkar fólk skilur heimilissorp eftir á bílastæðum inn í bílastæðishúsi. Á leigusamningi er skýrt tekið fram að ruslið eigi að fara út í safngáma sem eru staðsettir neðantil við bílastæðishúsið.
Svona umgengni skapar óþarfa álag á starfsfólk félagsins en einnig óvild í garð okkar félagsmanna fyrir utan aukinn kostnað á Orlofssjóð sem er í eigu okkar allra. Við töpum ÖLL ef við bætum ekki umgengnina!
Starfsfólk félagsins hvetur okkur öll til að taka upp bætta umgengni svo komast megi hjá því tjóni sem slæm umgengni er að valda öllum félagsmönnum sem vilja nota íbúðirnar í Sunnusmára.
