Skrifað undir nýjan kajarasamning fyrir Þörungaverksmiðjuna
Fyrr í dag var undirritaður nýr kjarasamningur fyrir starfsmenn Þörungaverksmiðjunnar á Reykhólum. Kjarasamningurinn inniheldur í öllum megin dráttum launaliði Lífskjarasamningsins. Einnig var samið um breytingar á sérákvæðum sem gilda um störf í verksmiðjunni. Gildistími samningsins er með afturvirkni frá 1. apríl 2019 og gildir til 1. nóvember 2022.
Verkalýðsfélag Vestfirðinga verður með kynningar- og kjörfund í Þörungaverksmiðjunni föstudaginn 14. júní kl.13.30 og verða niðurstöður kynntar í lok kjörfundar.
