Fréttir

Verkalýðsfélag Vestfirðinga og Félag opinberra starfsmanna á Vestfjörðum héldu sameiginlegt námskeið fyrir trúnaðar - og talsmenn félaganna mánudaginn 25. janúar síðast liðinn. Mjög góð þátttaka var á fundinum, og komu félagsmenna víðsvegar af Vestfjörðum enda nánast sumarfærð í fjórðungnum. Leiðbeinandi á námskeiðinu var Eyþór Eðvarðsson, en hann fór yfir erfiðu mál trúnaðarmannsins eins og eineltismál, samskiptaerfiðleikar, kynferðilega áreitni og önnur þau mál er varða trúnaðarmanninn sem ráðgjafa á vinnustaðnum. Í þeim tilfellum var líka lög áhersla á að trúnaðarmaðurinn ynni sem faglegast og þekkti sín mörk. Þá var einnig tekið á því hvernig best væri að ná árangri í því að stjórna eigin hugarfari og vellíðan, bæði í vinnunni sem og einkalífinu. Var ekki annað að heyra á þátttakendum en námskeiðið hafi veitt þeim gott veganesti inn í þeirra störf sem trúnaðarmenn fyrir félögin og muni einnig nýtast þeim í hinu daglega lífi.